النهاردة هنحكى قصة حب إله الحب ❤️️ كان فيه ملك عنده 3 بنات أصغرهم كان اسمها سايكى...واللى كانت جميلة جدا والناس كانت منبهرة جدا بجمالها لدرجة إنهم شبهوها بافروديت إله الجمال ...اللى لما عرفت بده غارت جدا وقررت إزاى إنسانة عادية ممكن تنافسها فى الجمال أوتتشبه بيها ...وقررت إنها تنتقم منها بإنها تلعنها إن محدش يحبها الناس كانت بتشوفها تعجب بيها وتنبهر بجمالها بس محدش بيحبها ... أبوها كان هيجنن ليها محدش بيحبها أخواتها الاثنين اتجوزوا وهيه قاعدة ولاد الحلال قالولوا روح معبد أبوللو للكهنة يمكن يلاقوا حل للمشكلة دى ....كهنة معبد أبوللو قالوا إن قدر بنتك إنها تتجوز وحش ساكن أعلى الجبل ... وبكل الأذى والأسى لبست سايكى فستان وطلعت الجبل
نرجع ثانى لأفروديت اللى مكنش مكفيها اللى عملته ف سايكى وطلبت من ابنها ايروس (كيوبيد ) إله الحب اللى كانت شغلته إنه يرمى أسهم ع الناس يمين وشمال عشان يحبوا بعض ... طلبت منه إنه يروح لسايكى وهيه نايمة ويحدف عليها سهم من سهامة ودا كان طلب غريب بالنسبة ليه وسأل افروديت ليه قالتله عشان تحب أول حاجة تقابلها واللى هيكون الوحش اللى ساكن فى الجبل ...
راح ايروس فعلا عند الكوخ اللى نايمة فيه سايكى ولما شافها انبهر بجمالها وبصوت حكيم ياه ع الحلاوة والطعامة والشقاوة وهوب وهوه بيطلع السهم عشان يرميه عليها السهم جرحه عشان يقع هوه في حبها ويغرم بيها ....حلوة قوى الفجأة دى
دلوقتى سايكى فوق الجبل مستنيه الوحش عريس الغبرة ولكن فجأة قامت رياح شديدة نقلت سايكى من الجبل وحطيتها قدام قصر غاية فى الجمال وطبعا سايكى خمنت إن ده قصر الوحش ولما دخلت لقت فيه أضواء بتنورلها طريق لغاية لما وصلت لأوضة بتطل ع البحر وكان فيها فرش جميل ... فضلت سايكى مستنية لغاية لما الدنيا ليلت وضلمت ولقت فى صوت هادى وحنين وراها سألت مين ؟ قالها أن جوزك وهاجى كل يوم بالليل لكن مش هينع تشوفينى ....ومرت الأيام وسايكى عايشة فى حب وحنية وسعادة حاجة فوق العظمى
وفى يوم من الأيام طلبت سايكى من ايروس إنها تشوف أخواتها... وفعلا أخوتها زاروها فى البيت وطبعا اتفاجئوا بالعز والسعادة اللى هيه عايشة وفيها وطبعا هيه بحسن نية حكتلهم القصة كاملة وهوب الغيرة اشتغلت وقالولها أكيد اللى انتى متجوزاه ده وحش وإلا ليه مش عايزك تشوفيه وأكيد لما يزهق هيقتلك ....
طبعا الشك اشتغل وفى يوم من الأيام وبعد ما ايروس نام كان سايكى سايبة جنب السرير مصباح وسكينة عشان لو اكتشفت إن جوزها وحش تقتله .....ولما النور جه على ايروس سايكى انبهرت من جماله هيبته وبصوت حكيم ايه اللى بيحصل ده ايه اللى أنا شايفه ده واتلبخت على عينها ووقعت من الزيت بتاع المصباح عليه عشان يقوم مخضوض ومتفاجئ ومصدوم وفى مشهد درامى يقولها إن الحب أساسه الثقة اللى مبقتش موجودة وأنا هسيبك 😥😥😥
يتبع ........
Comments
Post a Comment