الوحدة
LONELINESS
في عصرسهلت التكنولوجيا التواصل بطرق مختلفة يشتكي الجميع من الوحدة كثير مننا محاط بالناس في الشغل في الكلية في المدرسة مع أهلك في البيت ولكن في لحظات كثير بتشعر بألم الوحدة 😔الوحدة مش حالة مادية إن محدش معاك الوحدة حالة من الألم النفسي والذهني إنك منعزل فيه احساس داخلي بالفراغ أحيانا ممكن تكون بتتكلم مع أشخاص كثير يوميا لكن عقلك رافض التواصل معاهم علي مستوي اعمق وده كله مجرد تعريف عام الوحدة إحساس فريد تعبيرنا عنه بيختلف من شخص للثاني عن احساسك ونوع الألم اللي بتمر بيه
ليه بنحس بالوحدة عايش لوحدك مثلا أو اتنقلت من مدينة لمدينة أو من بلد لبلد ومتعرفش حد 😟وفاة شخص عزيز عليك كان له دور كبير في حياتك ممكن إنفصال عاطفي طلاق مثلا😢 أو إنك أنت مصاب بالاكتئاب والوحدة أحد أعراضه عندك مشكلة في الثقة بالنفس فمبتحاولش تتواصل مع حد 💔في حواليك أهلك وأصحابك بس نفسك في ارتباط عاطفي 😨مش قادر تثق في اللي حواليك ومش قادر تشاركهم مشاعرك أو شايف إنك مختلف عنهم فمش قادر تتواصل
النوع دا من الألم النفسي ممكن يتحول لمرض عضوي زي القلب والسكر أو الإصابة بالزهايمر وصعوبات في النوم وضعف في الذاكرة وسكتة دماغية زودتلك الاكتئاب وسودت الدنيا في وشك أني أسف الموضوع ليه علاج خليك معايا
مبدئيا لو حاسس إنك بتعاني من اللي قلناه فوق دا معناه إن فيه حاجة في حياتك محتاجة تتغير ودا محتاج مجهود ووقت وصبر وإنك تواجه نفسك اشترك في أنشطة مجتمعية جمعيات خيرية مارس رياضة اشترك في مكتبة الأنشطة فرصة إنك تتقابل ناس جديدة وتكون صداقات 😃حسن علاقاتك بأصحابك وخليها علاقات أقوي وأعمق خليك واقعي بس مش متشائم بلاش تتوقع الأسواء دايما نظره تفائلية اللي يكرمك وهتتخلص من الوحدة 😊وأخيرا ودي نصيحة شخصية ركز علي التواصل في العالم المادي مش الافتراضي
Comments
Post a Comment