في ظل الأحداث المهببة التي تمر بها البلاد من قتل وخناقات ومظاهرات وترند كلنا جوكر أيد واحدة.... خطرت فكرة قد تبدو غير واقعية أو منطقية ولا تمت للواقع بصلة تخيل لو ينفع تعمل لحياتك Restart ...ممكن تغير فيها ايه ؟؟ واقعيا دا غير ممكن طبعا وأعتقد إن احنا في مصر لا نملك رفاهية التغيير بس خلينا نقول إن الإنسان لو عنده إرادة ممكن يعدل ولو بشكل بسيط في سلوكياته الفردية .... لأصحاب القلوب الضعيفة الكلام اللي جاي دا يبدو كلام تنمية بشرية وقد يكون للبعض محض خيال علمي إزاي تعمل restart لحياتك..
- دور جوه ذاتك أهراماتك وقيمك بيقولك فكر في قيمك الشخصية اللي بتحركك وبتأخد قرارت علي أساسها أنت مبيتحبش حياتك دلوقتي بس فيه حاجات ثانية أنت بتحبها وبتلاقي نفسك مستمتع بالكلام عنها ...إيه ترتيبب الأولويات في حياتك العيلة الشغل الفلوس الصحاب ....اسأل لو بيتكم بيولع وفيها حاجة مهمة لازم تأخدها معاك ممكن تبقي ايه ؟ ....ممكن تعرف إيه المهم فعلا ومتقوليش الموبايل أرجوك 😂😂رتب أولوياتك
-شايف نفسك فين كمان 5 سنين 😎مش سؤال الانترفيو حاول تروح مكان هادئ معلش انا عارف إنه طلب صعب وحاول تتخيل نفسك بعد 5 سنين حققت الطموح بتاعك ها شايف نفسك فين؟ شغال ايه؟ حياتك عاملة ازاي؟ مين أصحابك ؟ خلاص فتح بقي ورقة وقلم واكتب الحاجات دي محتاجة مهارات وخطوات إيه عشان تحققها ودا اسمه visualization exercise
- هي الحياة ايه غير شوية حاجات فوق بعضها....غالبا كل واحد بييجي اول كل سنة يقولك السنة دي بقي هتبقي مختلفة هعمل (كلام كثير ما بيحصلش ) ...القرارات اليومية اللي بتأخدها في يومك بتبقي هي محصلة السنة بتقضي وقتك ازاي ومع مين بتعمل ايه عشان توصل في الآخر للنتيجة ...خلي أهدافك متناسبة مع نشاطك وقدراتك عشان متحسش إنك كحيااااان يامحمد 😂😂
- S.M.A.R.T.
( Specific, Measurable, Achievable, Realistic, and Timely)
جاري العمل علي الترجمة ..... خلي أهدافك كمحددة قابلة للقياس واقعية وليها مدة زمنية محددة وهنا بيحضرني مشوار الألف ميل بيبدأ بخطوة بس الاستمرارية ....
مش لازم تبقي من أعظم واحد في العالم المهم تبقي راضي عن نفسك وحياتك ... إحساس انجاز شئ بيحقق للإنسان سعادة لا توصف وبيزود ثقته في نفسه فليه منحاولش نعمل حاجة بنحبها وعايزنها 😊😊
Comments
Post a Comment