متي بدأ التاتو ؟

Tattoo ❤

متي بدأ فن الوشم يقال إنه يرجع لعام 3370 -3100 قبل الميلاد ليه بقي؟ سنة

1991 اكتشفوا مومياء أوروبية باسم Otzi the Iceman واللي يعتبر أقدم مومياء اوروبية وكان في جسمه 61 وشم وكانت عن طريق رماد النار 

 واتضح إن الوشم كان منتشر في حضارات كثيرة في أماكن مختلفة زي منغوليا والصين ومصر وروسيا والسودان طيب السؤال بقي ليه الحضارات القديمة لجأت للوشم  في نظريات مختلفة لظهور الوشم

 في الصين واسيا كان وسيلة للتمييز بين المجرمين وقطاع الطرق في المجتمع كوسيلة لتحذير باقي الأفراد من التعامل معاهم

 في الحضارة الفرعونية وجد الوشم علي الجثث المحنطة للكهنة خاصةوشم  الأله حتحور اللي بيرمز للخصوبة والنماء البعض ارجع استخدام الوشم في الحضارة الفرعونية القديمة كشكل من أشكال الزينة والفن وفي نظرية ثانية بتقول إنه كان بيستخدم لأغراض علاجية وإن الوشوم بيكون ليها قوة سحرية 

 في روما القديمة كان الوشم بيستخدم لتمييز العبيد وأسري الحرب

الوشم أتطور وبقي فن وله أكاديميات وانتشر جدا فتبادر لذهن العبد لله سؤال طيب ليه الناس بتعمل في عصرنا الحديث وشم ووصلنا ل 3  إجابات 

الشغف بشئ لدرجة الجنان يعني واحد بيحب كتاب مسلسل معين فيلم شايف إنه أثر في حياته ومهووس بيه  فبيقرر إنه يرسمه وبيشوف إنه بالطريقة دي بيكرم الشئ ده من خلال رسمه علي جسمه 

دوافع عاطفية وإنسانية  أحيانا بيكون الدافع لرسم الوشم تخليد ذكري لصديق او فرد من أفراد العائلة أتوفي فبيكون الوشم اسمه أو تاريخ الوفاه أو توقيعه الخاص ونفسيا دا بيدي احساس للشخص إن الطرف الثاني قريب وموجود معاه في كل مكان 

عمل فني  دي بقي مش محتاجة شرح كثير هعمل وشم عشان شكله حلو وبيعبر عني وشخصيتي والحاجات اللي أنا بحبها وفي نفس الوقت شكل من أشكال الزينة زي أي Accessory وبكد تكون انتهت حلقتنا عن فن الوشم